Li konsera gel a bêheq ku ji aliyê Şaredariya Edremîtê ve hat organîzekirin de, hunermend Rojda li Meydana Bajar a Edremîtê bi welatiyan re hat cem hev. Li konsera ku beşdarî lê zêde bû meydan tije bû çû, welatiyan jî bi hev re piştgirî da stranan û bi Rojdayê re gotin.

Rojda li konsera ku di çarçoveya çalakiyên çand û hunerî yên Şaredariya Edremîtê de hat lidarxistin, stranên xwe yên navdar gotin. Welatiyên ku qada konserê tije kirin tevlî stranên hunermendê bûn û çalakî bû cihê dîmenên rengîn û bi coş.

Hevşaredar Komî: Em ê gelê xwe bi çand û hunerê re bînin cem hev

Hevşaredarê Edremîtê Cemil Komî berî konserê axaftineke kurt kir, bala kişand ser girîngiya civandina çand û hunerê ya bi civakê re û ev gotin bi kar anîn: “Bi têgihîştina xwe ya şaredariya gelparêz, em çand û hunerê bi gelê xwe re tînin cem hev. Ez spasiya hemû hevalên me yên ku keda xwe dane vê hevdîtina bedew û kesên ku beşdar bûne dikim. Ez dixwazim ev şeva bimane bibe wesîleya aştî, biratî û paşerojeke azad.”

Qad tije bû çû

Piştre Rojda derket ser sehnê û berhemên xwe yên hezkirî gotin. Welatiyên ku qada konserê tije kirin bi hev re piştgirî da stranên ku hunermendê digotin, li meydanê kêliyên rengîn û bi coş hatin jiyîn. Çalakiya ku welatiyan eleqeyeke mezin nîşan da, bi xelatkirina plaketê ji aliyê Hevşaredara Bajarê Mezin a Wanê Neslihan Şedal û Hevşaredarê Edremîtê Cemil Komî ve ji bo hunermend Rojda û ekîba wê bi dawî bû.